Սարգսեան-Ալիեւ հանդիպումը` դեկտեմբեր 19-ին Պեռնի մէջ

ՀՀ նախագահ Սերժ Սարգսեան Դեկտեմբեր 18-ին աշխատանքային այցով պիտի մեկնի Զուիցերիոյ Համադաշնութիւն:

Ինչպէս կը հաղորդեն նախագահի մամուլի գրասենեակէն, Պեռնի մէջ Դեկտեմբեր 19-ին ԵԱՀԿ Մինսկի խումբի համանախագահներուն միջնորդութեամբ Սարգսեան հանդիպում պիտի ունենայ Ատրպէյճանի նախագահ Իլհամ Ալիեւի հետ:

Հայաստանի եւ Ատրպէյճանի նախագահներուն վերջին հանդիպումը տեղի ունեցած է 2014-ի Հոկտեմբեր 27-ին Փարիզի մէջ` Ֆրանսայի նախագահ Ֆրանսուա Օլանտի միջնորդութեամբ: Իլհամ Ալիեւի եւ Սերժ Սարգսեանի փարիզեան հանդիպման ընդգծուած էր «հակամարտութեան խաղաղ կարգաւորման այլընտրանքի բացակայութիւնը»: